Badakizu nola esaten den 'libélula' / 'libellule' euskaraz?
Iñaki Mezquita Aranburu, Aranzadi Zientzia Elkarteko kidea da, odonatuzalea eta argazkilari naturalista. Iberiar Penintsulan bizi diren 84 burruntzi eta sorgin-orratzen izenak jaso ditu euskaraz. Zerrenda ofizial egiteko azken urratsaren zain daude proposamena prestatu duten Mezquita eta Jon Frahier CPIE Euskal Itsasbazterra elkarteko ingurumen teknikaria.
| 2024ko Ekainaren 20a
Tximeleta lorean pausatu da.
Hasi da argazki-kamera gerturatzen, enfokatu du, eta... sast! beste zomorro bat iritsi da eta jan egin du tximeleta.
Horrela ezagutu zituen burruntziak eta sorgin-orratzak Iñaki Mezquitak.
Pinpilinpauxen atzetik ibiltzen hasia zen, eta Odonata Ordenako intsektuok agertzen zitzaizkion lehen lerroan, ausart eta energiaz beterik. 22 urte zituela hasi zen argazkigintzan, eta gaur arte À¢'€'"65 urte dituÀ¢'€'" burruntziak argazkitan iltzatu eta ikertu ditu.
Ez da ogibidez biologoa, Lehen Hezkuntzan gorputz heziketako irakasle izan da, eta intsektuen mundua bere kabuz ikasten aritu da.
Hasieran, burruntziek eta sorgin-orratzek estetikoki baizik ez zioten arreta eman, baina laster konturatu zen paparazziarena egin behar zuela: "Animaliaren jokabidea eta bizimodua ez baduzu ezagutzen, nekez egin dezakezu lan ona argazkigintzan.
Paparazziek hala egiten dute: pertsonaren jokabidea aztertu, behatu, eta danba! Harrapatu!".
ARTIKULU OSOA KLIKATU HEMEN
